Эй баргузидае, ки набошад мисоли ту
Олам мунаввар аст зи нури ҷамоли ту
Эй маҳрами ҳарими Худованди кибриё
Ин ифтихор дода ба ту Зулҷалоли ту
Эй хотами нубуввату сайиди мурсалин
Эй ақлу ҳӯш мот зи ҷоҳу ҷалоли ту
Оинаҳои равшани Қуръон гувоҳи ҳақ
Гуфта Худо ба насли башар аз камоли ту
Ишқи ту нуру мояи умеди уммат аст
Сард аст он диле, ки надорад хаёли ту
Пайғоми ту ҷаҳониву дини ту ҷовидон
Гӯши башар шунид садои Билоли ту
Қуръону суннат аст ба мо ганҷи бебадил
Роҳи саодат аст тамассук ба Оли ту
Бӯҷаҳлу Бӯлаҳаб чӣ қадар оташин шаванд
Аз дидани футуҳи раҳи безаволи ту
Имрӯз як нигоҳи муҳаббат ба мо намо
Уммат ва душманат чӣ намуд дар қиболи ту
То ҳашр мадҳи ту ба забону амал кунем
Як нукта аз ҳазор-ҳазори висоли ту
Абдусалом