Музайян кун нигоҳатро ба номи Ҷаъфари Содиқ
Ки атри офият дорад паёми Ҷаъфари Содиқ
Агар маҳтоб метобад ба шоми кӯчаҳои шаҳр
Шифои нур мегирад зи боми Ҷаъфари Содиқ
Бубин эъҷози номашро, ки меёбад табори дил
Баҳоре аз ҳаловат дар саломи Ҷаъфари Содиқ
Салобатро тамошо кун, ки ҳамчун бед меларзад
Бинои кохи Мансур аз каломи Ҷаъфари Содиқ
Тилое мепарад аз хок то сарманзили хуршед
Чу боли зарра афтад зери гоми Ҷаъфари Содиқ
Нигоҳи ғуссаро пур кун, ки дасти шаб ба ҷои нур
Шарори заҳр мерезад ба ҷоми Ҷаъфари Содиқ
Дигар эй осмони шаҳр, бас кун шаҳди боронро
Ки шуд талх аз ғаму андӯҳ коми Ҷаъфари Содиқ
Ба пояш осмон аз чашми худ хуршед меборад
Ба дил дорад чароғ аз эҳтироми Ҷаъфари Содиқ
Убур аз хатти охир пеши пои туст коре кун
Ки дастатро бигирад файзи оми Ҷаъфари Содиқ
Шукӯҳӣ