Дилдодаро зи тири маломат газанд нест

Девонаро тариқаи оқили писанд нест

Аз дарди мо чи фикру зи аҳволи мо чи бок

Онро ки дил муқайяду по дар каманд нест

Фарҳодро ки бо дили Ширин тааққуласт

Рағбат ба нушдоруву ҳоҷат ба қанд нест

Ҳарҷо ки оташи ғами дилдор шуъла зад

Ҷон барфишон ба завқ ки ҷойи сипанд нест

Бас кун Убайд бо дили шурида довари

Бечораро насиҳати мо судманд нест

Убайди Зоконӣ

دلداده را ز تیر ملامت گزند نیست

دیوانه را طریقهٔ عاقل پسند نیست

از درد ما چه فکر وز احوال ما چه باک

آنرا که دل مقید و پا در کمند نیست

فرهاد را که با دل شیرین تعلقست

رغبت به نوشدارو و حاجت به قند نیست

هرجا که آتش غم دلدار شعله زد

جان برفشان به ذوق که جای سپند نیست

بس کن عبید با دل شوریده داوری

بیچاره را نصیحت ما سودمند نیست