Гулбуни айш медамад соқии гулъузор кӯ?

Боди баҳор мевазад, бодаи хушгувор кӯ?

Ҳар гули нав зи гулрухе ёд ҳамекунад, вале,

Гӯши суханшунав куҷо, дидаи эътибор кӯ?

Маҷлиси базми айшро ғолияи мурод нест,

Эй дами субҳи хушнафас, нофаи зулфи ёр кӯ?

Ҳуснфурушии гулам нест таҳаммул, эй сабо,

Даст задам ба хуни дил баҳри Худо нигор кӯ?

Шамъи саҳаргаҳӣ агар лоф зи орази ту зад,

Хасм забондароз шуд, ханҷари обдор кӯ?

Гуфт: “Магар зи лаъли ман бӯса надорӣ орзӯ?”

Мурдам аз ин ҳавас, вале қудрату ихтиёр кӯ?

Ҳофиз агарчӣ дар сухан хозини ганҷи ҳикмат аст,

Аз ғами рӯзгори дун табъи сухангузор кӯ?

Ҳофизи Шерозӣ

Tojikon.org

@2020 - tojikon.org. Ҳамаи ҳуқуқҳо маҳфузанд. Истифодаи матлабҳо бо зикри манбаъ иҷозат аст!
Дар Сама тарроҳӣ шудааст