Худои Мутаол дар ояти 55 сураи муборакаи Қасас мефармояд:
وَإِذَا سَمِعُوا اللَّغْوَ أَعْرَضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ سَلَامٌ عَلَيْكُمْ لَا نَبْتَغِي الْجَاهِلِينَ
Ва ҳар гоҳ (сухани) лағву беҳудаеро бишнаванд, аз он рӯй бигардонанд ва гӯянд: Аъмоли мо барои мо ва корҳои шумо барои шумо бошад. Салом (видоъи мо) бар шумо бод. Мо ба суроғи ҷоҳилон намеравем.
Бидонем
Дар ояти қабл Худованд ба касоне, ки дар роҳи ӯ сабр кунанд ва бадиҳоро бо хубӣ посух диҳанд ва аз амволашон дар роҳи Худо бахшанд, подоши ду баробар ваъда дод, ин оят ба яке аз намунаҳои сабр ва бархурдҳои хуб, ишора мефармояд.
لَغْو Лағв корри беҳуда, ки дар гуфтор ва рафтор аст ва ба мӯъминон суфориш шудааст, ки аз он дурӣ кунанд. Биҳишт ҷои лағв ва беҳудагӣ нест. لَا لَغْوٌ فِيهَا وَلَا تَأْثِيمٌ (Сураи Тур, ояти 23)
«مُدارا»  Мудоро яъне кӯтоҳ омадан аз мавзеи қудрат аст, мисли падаре, ки дасти кӯдакашро дар даст дорад ва бо вуҷуди ин ки метавонад зуд роҳ равад оҳиста меравад, аммо мудоҳина кӯтоҳ омадан аз мавзеи заъф аст мисли бисёре аз ҳокимон, ки ба хотири надоштани шуҷоат, дар ихтиёри абарқудратҳо ҳастанд. Анбиё ва авлиёи илоҳӣ бо мардум мудоро мекунанд, аммо дар баробари куфр мудоҳина намеварзанд.
Биёмӯзем
1. Мӯъмини воқеӣ касе аст, ки на танҳо ба маҷлиси лағв намеравад ва ба сухани лағв гӯш намедиҳад, балки агар каломи беҳудае ҳам шунид, аксуламал нишон медиҳад.وَإِذَا سَمِعُوا اللَّغْوَ أَعْرَضُوا عَنْهُ
2. Яке аз намунаҳои сабр беэътиноӣ ба лағв ва эъроз аз он аст.صَبَرُوا أَعْرَضُوا عَنْهُ
3. Эъроз аз лағв дар гуфтан, шунидан, дидан ва муошират камоле аст, ки дар ҳамаи адёни илоҳӣ аз он ситоиш шудааст.سَمِعُوا اللَّغْوَ أَعْرَضُوا عَنْهُ (Ояти фавқ дар тавсифи гуруҳе аз аҳли китоб аст.)
4. Аз шеваҳои умумӣ ва содаи наҳй аз мункар эъроз аз мункар аст. سَمِعُوا أَعْرَضُوا عَنْهُ (лағвро бо лағв посух надиҳем.)
5. Инсон дар баробари ончи мешунавад, масъул аст. سَمِعُوا أَعْرَضُوا ُ
6. Қотеият, салобат ва созиш накардан бо куфр нишонаи имони қавӣ аст. لَنَا أَعْمَالُنَا وَلَكُمْ أَعْمَالُكُمْ
7. Суд ва зиёни амали ҳар кас ба худи ӯ бармегардад. لَنَا أَعْمَالُنَا وَلَكُمْ أَعْمَالُكُمْ
8. Эъроз бояд каримона бошад. أَعْرَضُوا سَلَامٌ عَلَيْكُمْ
9. Эъроз бояд бо ҳушдор ба аҳли лағв бошад. أَعْرَضُوا لَا نَبْتَغِي الْجَاهِلِينَ
10. Лағв меваи ҷаҳл ва беҳудагӯ ҷоҳил аст. لَا نَبْتَغِي الْجَاهِلِينَ