Шеър дар васфи Расули Худо (с)

Замин гаҳвораи кобусҳои инсон буд

Замон чун кӯдаке дар кӯчаҳо хобу ҳайрон буд

Худо дар издиҳоми нохудоёнӣ ҷаҳолат гум

Ҷаҳон дар изтиробу тарс, дар оғуши ҳазён буд

Садо дар кӯчаҳо гиҷ мепечид беҳосил

Сукути ҳарза саргардони саҳрову биёбон буд

Намерӯяд дар чашм, ба ҷуз тардиду ваҳму шак

Яқин танҳо саробе дар шикористони шайтон буд

Шаби рӯъёи даври осмон дар ҳайати мардӣ

Ба рағми фитнаҳои пешрав дар хок меҳмон буд

Ҷаҳон бо номаш аз рангу садо сероб шуд охар

Муҳаммад вопасин Пайғамбари хуршеду борон буд.

Добавить комментарий

Защитный код
Обновить

@2020 - tojikon.org. Ҳамаи ҳуқуқҳо маҳфузанд. Истифодаи матлабҳо бо зикри манбаъ иҷозат аст!
Дар Сама тарроҳӣ шудааст