Дар ин мавзуъ ривоятҳои зиёд мебошад, вале бо овардани андаке аз онҳо дар ин навиштр басанда мекунем.

а- Бадзабонӣ ва дашном аз гуноҳони кабира аст

Дар ривоят аст, ки Расули Худо(с) фармуданд: “Аз бузургтарин гуноҳони кабира дашном додани мард ба падару модари худ аст, ба Паёмбар(с) гуфтанд: Эй расули Худо, раҳмату дуруди Худо бар шумо бод, чигуна мешавад, ки мард ба падару модари худ дашном диҳад? Ҳазрат фармуданд: касе ки ба дигарӣ дашном медиҳад, пас ӯ (дар муқобил) падару модари вайро дашном диҳад”.

б- Бадзабонӣ сабаби бебаракатии рӯзӣ

Ҳазрати Алӣ(к) фармуданд: “Ҳар кас ба бародари мусулмони худ дашном диҳад, Худованд баракатро аз рӯзии ӯ мебардорад, ва ӯро ба худаш раҳо мекунад ва зиндагияшро табоҳ месозад”.

в- Дашномдиҳанда дуртарини мардум ба Расули Худо(с);

Расули Худо(с) фамуданд: “Оё шуморо ба дуртарини шумо дар шабоҳат ба худам хабар бидиҳам? Гуфтанд: Оре эй расули Худо! Паёмбар(с) фармуданд: Ӯ касе аст, ки аз дашном додан ва шунидани дашному ҳақорат парвое надорад”. Пас касонеро, ки дашномдиҳанд ба суннати расул амал накарданд ва пайрави у ба ҳисоб намоянд.

г- Ҳаром будани биҳишт бар дашномдиҳанда ва бадзабонон;

قال رسول الله(ص): الْجنَّةُ حرامٌ علی كُلِّ فاحِشٍ اَنْ یَدخُلَها

Расули Худо(с) фармуданд: “Даромадан дар биҳишт бар ҳақоратчӣ ҳаром аст"

قال رسول الله(ص): إِنَّ اللَّهَ حَرَّمَ الْجـَنَّةَ عَلَی كُلِّ فَحَّاشٍ بَذِیٍّ قَلِیلِ الْحَیاءِ لَا یُبَالِی مَا قَالَ وَلَا مَا قِیلَ لَهُ...

Расули Худо(с) фармуданд: “Худованд бар ҳар носазогӯи беобрӯ ва камшарме, ки боке надорад аз он чи гӯяд ва он чи ба ӯ гуянд биҳиштро ҳаром кардааст “.

д- Бадзабонӣ нишонаи пастӣ;

قال على(ع): ما أَفحَشَ کرِیمٌ قَطُّ

Ҳазрати Алӣ(к) фармуданд: “Инсони бузургвор ҳаргиз дашном намедиҳад”.

قال علی (ع) :سُنَّةُ اللِّئامِ قُبْحُ الْكَلامِ

Ҳазрати Алӣ(к) фармуданд: “Равишу маниши инсонҳои паст бадгуӣ ва бадзабонӣ аст”.

е- Бадзабонӣ душманӣ бо Худо

قَالَ رَسُولُ اللَّهِ(ص): إِنَّ اللَّهَ یُحِبُّ الْحَیِیَّ الْحَلِیم ... أَلَا وَإِنَّ اللَّهَ یُبْغِضُ الْفَاحِشَ الْبَذِیَّ

Расули худо(с) фармуданд: “Худованд бандаи боҳаёи бурдборро дуст дорад ва бар дашномдиҳандаи бешам хашм мекунад”.

з- Дур будани дашномдиҳанда ва носазогӯ аз муҳаббати Худо

قال رسول الله(ص):اِیَّاكُمْ وَالْفُحْشَ فَإِنَّ اللَّهَ عَزَّ وَجَلَّ لَا یُحِبُّ الْفَاحِشَ الْمُتَفَحِّشَ

Расули Худо(с) фармуданд: “Аз носазогӯӣ ва фаҳш барҳазар бошед, зеро Худои Таоло носазо ва носазогӯро дӯст надорад”.