Худо сутуда ба Қуръон, ки зан бипӯшад рух
Даре, ки баста аз ӯ шуд, ки фатҳи боб кунад?
Касе, ки номи тамаддун барад, чаро шаб ва рӯз
Барои кашфи ҳиҷоб ин ҳама шитоб кунад?
Касе, ки парда надорад ба фикри пардадарист
Ҳавои фитнаву ошуби беҳисоб кунад
Шунав ба ҷон сухани поки Қуръонро
Ба марду зан ба ҳақиқат чунин хитоб кунад
Нигоҳ дор ду чашмону шаҳвати худро
Ҳар он ки аҳли таҳорат бувад ҳиҷоб кунад
Худой хост, ки арзиши ту шавад афзун
Баён саодати ту ояти китоб кунад