Эй муаллим, эй азиз!

Эй ҳамеша бо ҷаҳолат дар ситез!

Рӯзгорат офтобӣ боду дунёят зулол

То қалам шуд дасти ту аз теғ, тез

Гашт торикӣ мариз

  *

Равшанӣ доди маро

Тарбият кардӣ дар ободӣ маро

Бо се бахши «о»-ву «зо»ву «дӣ» кушодам болу пар

Додӣ он дам дарси «озодӣ» маро

Як ҷаҳон шодӣ маро

 *

Хонаат обод бод

Аз ту ҳар асру замоне ёд бод

Эй муаллим, эй чароғи зиндагониву вуҷуд

Ғуссаҳоят як ба як барбод бод

Бар ту аз ҳақ дод бод

  *

Шодмон бошӣ туро

Мӯҳтарам дар ҳар замон бошӣ туро

Эй муаллим, эй ҷаҳони пур зи лаззатҳои ту

Да р мақоми орифон бошӣ туро

 Ҷовидон бошӣ туро