Нахуствазири Шветсия дирӯз бо эъломи инки Шветсия, кишвари Фаластинро ба расмият хоҳад шинохт, таъкид кард ки иҷоди ду кишвари мустақил танҳо роҳи ҳалли масъалаи Фаластин ва Исроил аст.

Ба гузориши хабаргузории байналмилалии Қуръон, ки рӯзи ҷумъа  3 октябр ташкили ҷаласа дода буд, гуфт: Ин иқдом бояд бо эҳтиром ба хостаҳои машруъи ҳар ду тарафи фаластини ва исроили дар мавриди ҳаққи таъини сарнавишт ва амният анҷом шавад.

Шветсия дар соли 2012 ба Фаластин ба унвони давлати нозири ғайри узв дар Созмони Милал раъй дода буд. Ин ҳақ бо вуҷуди мухолифатҳои Америка ва чанд кишвари дигар бо аксарияти оро ба Фаластин эъто шуд. Ин дар ҳоле аст ки Вошингтон аз анҷоми чунин иқдомоте ки онро пеш аз мавъид мехонад, ҳушдор дода буд ва эълом карда буд ки бояд ин иқдом ба дунболи анҷоми музокирот миёни тарафайн сурат гирад.

Ба гузориши хабаргузории Франсия, ҳадди ақал 12 кишвар, Фаластинро ба расмият шинохтанд. Ҳукумат худгардони Фаластин эълом карда аст ки 134 кишвар аз ҷумла ҳафт узви иттиҳодияи Европа яъне Ҷумҳурии Чехия, Венгрия, Полша, Булғористон, Руминия, Малт ва Қибрис (Кипр) кишвари Фаластинро ба расмият шинохтанд.