Ҳақиқати некӣ кардан

قال رسول الله: ألإحْسانُ أن تَعْبُد اللّه‏ كَأنَّك تَراه فَإن لَم تَكُن تَراه فَإنَّه يَراكَ. (سنن النسائي)

Некӣ он аст, ки Худоро чунон ибодат намоӣ, ки гӯё Ӯро мебинӣ. Агар ту Ӯро набинӣ Ӯ туро мебинад.

Ташвиқ ба некӣ кардан

قال رسول الله: إنَ‏اللّه‏َ تَعالى‏مُحْسِنٌ فَأحْسِنُوا. (سنن الترمذي)

Худои Таоло некӯкор аст пас шумо низ некӣ кунед.

Зеботарини некиҳо

قال رسول الله:إنَ‏أحْسَن‏الحَسَن‏الخُلْقُ‏الحَسَنُ. (كنزالعمّال)

Зеботарини некиҳо ахлоқи хуб аст.

Хубӣ кардан ба барда

قال رسول الله: اللِّباسُ يُظْهِرُ الغِنى وَ الدُّهْنُ يُذْهِبُ البُوْسَ وَ الإحْسانُ إلى المَمْلُوك يَكْبِتُ اللّه‏ بِه العَدُوَّ. (معجم الأوسط)

Либос сарватмандиро ошкор месозад, руған(–и хушбӯ) фақрро аз байн мебарад ва некӣ ба барда (боис мешавад, ки) Худованд ба сабаби он, душманро саршикаста намояд.

Хубӣ дар баробари бадӣ

قال رسول الله: صِل مَن قَطَعَك، وَ أحْسِن إلى مَن أساء إلَيْك، وَ قُل الحَقَّ وَ لَو عَلى نَفْسِكَ. (كنزالعمّال)

Пайванди худро бо касе, ки аз ту буридааст барқарор соз, ба касе ки ба ту бадӣ карда некӣ кун ва ҳақро бигӯ ҳар чанд бар зарари худат бошад.

Нишонаи инсони некӯкор

قال رسول الله: إذا أثْنى عَلَيْك جيرانُك أنَّك مُحْسِنٌ فَأنْتَ مُحْسِنٌ وَ إذا أثنى عَلَيْك جيرانُك أنَّك مُسيءٌ فَأنْتَ مُسيءٌ. (كنزالعمّال)

Агар ҳамсоягон туро ба некӣ ситоиш мекунанд бидон, ки некӯкорӣ ва агар онҳо туро ба бадӣ ёд мекунанд бидон, ки бадкорӣ.