Please update your Flash Player to view content.

Духтарам бо ту сухан мегӯям
Зиндагӣ дар нигаҳам гулзорест ‏
Ва ту бо қомати чун нилуфар,
Шохаи пургули ин гулзорӣ ‏
Ман ба чашмони ту як хирмани гул мебинам ‏
Гули иффат, гули садранги умед ‏
Гули фардои бузург
Гули фардои сафед
Чашми ту оинаи равшани фардои ман аст ‏
Гул чу пажмурда шавад ҷой надорад дар боғ ‏
Кас нагирад зи гули мурда сӯроғ
Духтарам, бо ту сухан мегӯям ‏
Дида бикшою дар андешаи гулчинон бош
Ҳама гулчини гули имрӯзанд ‏
Ҳама ҳастӣ сӯзанд ‏
Кас ба фардои гули боғ намеандешад ‏
Он ки гирди ҳама гулҳо ба ҳавас мечархад ‏
Булбули ошиқ нест ‏
Балки гулчини сияҳкирдорест ‏
Ки саросема давад дар пайи гулҳои латиф ‏
То яке лаҳза ба чанг ораду резад бар хок
Дасти ӯ душмани боғ асту нигоҳаш нопок ‏
Ту гули шодобӣ‏
Ба раҳи бод марав ‏
Ғофил аз бод машав
Эй гули садпари ман ‏
Ҳама гавҳар шикананд ‏
Дев кай арзиши гавҳар донад ‏
Духтарам, гавҳари ман
Гавҳарам, духтар ман
Ту, ки як гавҳари дунёи манӣ ‏
Дил ба лабханди ҳаромӣ масупор
Дуздро дӯст махон ‏
Чашми умед ба Иблис мадор ‏
Гавҳари тобандаи бе монанд ‏
Хешро хор мабин ‏
Оре, эй духтари ман ‏
Эй саропо алмос
Аз ҳаромӣ биҳарос ‏
Қимати худ машикан ‏
Қадри худро бишинос ‏
Қадри худро бишинос

Назари худро ворид кунед

Коди амнияти
Тоза намудани акси амнияти