Please update your Flash Player to view content.

Ҷудо шуд яке чашма аз кӯҳсор
Ба раҳ гашт ногаҳ ба санге дучор
 
Ба нармӣ чунин гуфт бо санги сахт:
Карам карда роҳе деҳ, эи некбахт!
 
Ҷаноби аҷал к-аш гарон буд сар
Задаш силиву гуфт: Дур, эй писар!
 
Нашуд чашма аз посухи санг, сард
Ба кандан даристоду ибром кард
 
Басе канду ковиду кушиш намуд
К-аз он санги хоро раҳе баргушуд
 
Зи кушиш ба ҳар чиз хоҳӣ расид
Ба ҳар чиз хоҳӣ камоҳӣ расид
 
Бирав коргар бошу умедвор
Ки аз яъс ҷуз марг н-ояд ба бор
 
Гарат пойдорист дар корҳо
Шавад саҳл пеши ту душворҳо
Маликушшуаро Баҳор

Назари худро ворид кунед

Коди амнияти
Тоза намудани акси амнияти