Please update your Flash Player to view content.

Бахшида ба мавлуди Паёмбари Аъзам (с)

Хуршеди ҳар ду олам, ё Мустафо Муҳаммад!
Бо исми ту биболам, ё Мустафо Муҳаммад!

Ман уммати гунаҳкор, дар рӯзи Ҳашр як бор,
Раҳме бикун ба ҳолам, ё Мустафо Муҳаммад!

Хоки раҳи туро ман, аз таҳти ҷону ҳам дил,
Бар дидаам бимолам, ё Мустафо Муҳаммад!

Аввал Худо мададкор, дуюм туӣ сабабгор,
Эй ёри бемисолам, ё Мустафо Муҳаммад!

Ман ошиқи каломат, гӯям дуруд ба номат,
Аз тарси Ҳақ бинолам, ё Мустафо Муҳаммад!

Эй ғамгусори уммат, дар лаҳзаи қиёмат,
Ғамхори безаволам, ё Мустафо Муҳаммад!

Кӯҳзоди пургуноҳам, афтода зери чоҳам,
Бишкаста ҳар ду болам, ё Мустафо Муҳаммад!
Кӯҳзоди Фатҳуллоҳ -11.01 .2014

Назари худро ворид кунед

Коди амнияти
Тоза намудани акси амнияти