Please update your Flash Player to view content.

Марди деҳқон бенаво шуд, эй шигифт!
Ранҷи деҳқон бар ҳаво шуд, эй шигифт!
Дар диёри Бӯалӣ Сино аҷаб
Дарди деҳқон бедаво шуд, эй шигифт!
Худпарастон соҳиби базму суруд
Хандаи мо нораво шуд, эй шигифт!
Меҳру шафқат нест дар болонишин
Кори мардум зери по шуд, эй шигифт!
Зангҳои зиндагӣ аз ёд рафт
Навбати ранги сиё(ҳ) шуд, эй шигифт!
Чархи гардун чарх зад сӯи қафо
В-ин ҳам аз ҳукми қазо шуд, эй шигифт!
Нуруллоҳи Мусо
Аз соқа то садр, саҳ. 549

Назари худро ворид кунед

Коди амнияти
Тоза намудани акси амнияти