Please update your Flash Player to view content.

Гоҳ-гоҳе пурсам аз худ
Дар замини Тоҷикистон
Ин қадар санг аз куҷо пайдо шудаст
Дар дили фарзанди тоҷик
Ин қадар нанг аз куҷо пайдо шудаст
Медиҳам бар худ ҷавоб
Халқи тоҷикро басе
Сангборон кардаанд
Ҳам парешон кардаанд
То накорад донаи худро дигар
То насозад хонаи худро дигар
То бихушкад тухми тоҷик дар миёни сангҳо
Баҳри халқи ман дар ин дунёи шур
Зиндагӣ осон набуд
Дар таҳи ор
Дар таҳи ғор
Зиндагонӣ менамуд
Халқи тоҷикро басе
Сангборон кардаанд
Хонавайрон кардаанд
Ҳам парешон кардаанд
Лек тоҷик тан надод
Бар адӯ гардан надод
Сангҳоро чида-чида
Дар бари ҷар
Дар сари ҷар
Хонае аз санг кард
Хонае аз нанг кард
Дар миёни сангҳо ҳам зинда монд.
Муҳаммадалии Аҷамӣ

Назари худро ворид кунед

Коди амнияти
Тоза намудани акси амнияти