Please update your Flash Player to view content.

Гоҳ пинҳон, гоҳ пайдо мешавӣ,
Гоҳ сокит, гоҳ ғавғо мешавӣ.
Гоҳ шабнам мешавӣ дар чашми гул,
Гоҳ меҷӯшиву дарё мешавӣ.
Дида бикшоям, ниҳонӣ аз назар,
Чашм барбандам, ҳувайдо мешавӣ.
Андаруни ҷони ман биншастаӣ,
Дар дилам доғи сувайдо мешавӣ.
Эй ки дар олам намегунҷӣ, чи сон
Дар дили маҷрӯҳи ман ҷо мешавӣ?
Ҳарчи мехонам, садо наҷвои туст,
Ҳарчи мегӯям, ту маъно мешавӣ.
Рустами Ваҳҳоб

Назари худро ворид кунед

Коди амнияти
Тоза намудани акси амнияти