Бо ту гар хоҳи сухан гуяд Худо Қуръон бихон.

То шавад руҳи ту бо ҳақ ошно Қуръон бихон .

Эй башар ёди Худо оромиши дил медиҳад,

Дардмандонро бувад Қуръон даво, Қуръон бихон .

Домҳои густардаи Шайтон дар масери умри ту,

То ки иман боши аз ин домҳо Қуръон бихон .

“Раттилил Қуръона тартилан” нидои раҳмат аст,

Медиҳад Қуръон ба ҷону дил сафо Қуръон бихон .

Гуфт Пайғамбар ки бединаст ҳар кас беҳаёст,

То шавад руҳи ту побанди ҳаё Қуръон бихон .

Эй ки руҳат сахт побанди ғами дунё шуда,

Мекунад Қуръон туро аз ғам раҳо Қуръон бихон .